Psalm 1 Tamil HEBREW - Tamil Bible

Index

A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z

Original verses for Psalm 1

אַ֥שְֽׁרֵי הָאִ֗ישׁ אֲשֶׁ֤ר׀לֹ֥א הָלַךְ֮בַּעֲצַ֪ת רְשָׁ֫עִ֥ים וּבְדֶ֣רֶךְ חַ֭טָּאִים לֹ֥א עָמָ֑ד וּבְמוֹשַׁ֥ב לֵ֝צִ֗ים לֹ֣א יָשָֽׁב׃

כִּ֤י אִ֥ם בְּתוֹרַ֥ת יְהוָ֗ה חֶ֫פְצ֥וֹ וּֽבְתוֹרָת֥וֹ יֶהְגֶּ֗ה יוֹמָ֥ם וָלָֽיְלָה׃

וְֽהָיָ֗ה כְּעֵץ֮שָׁת֪וּל עַֽל פַּלְגֵ֫י מָ֥יִם אֲשֶׁ֤ר פִּרְי֨וֹ׀יִתֵּ֬ן בְּעִתּ֗וֹ וְעָלֵ֥הוּ לֹֽא יִבּ֑וֹל וְכֹ֖ל אֲשֶׁר יַעֲשֶׂ֣ה יַצְלִֽיחַ׃

לֹא כֵ֥ן הָרְשָׁעִ֑ים כִּ֥י אִם כַּ֝מֹּ֗ץ אֲֽשֶׁר תִּדְּפֶ֥נּוּ רֽוּחַ׃

עַל כֵּ֤ן׀לֹא יָקֻ֣מוּ רְ֭שָׁעִים בַּמִּשְׁפָּ֑ט וְ֝חַטָּאִ֗ים בַּעֲדַ֥ת צַדִּיקִֽים׃

כִּֽי יוֹדֵ֣עַ יְ֭הוָה דֶּ֣רֶךְ צַדִּיקִ֑ים וְדֶ֖רֶךְ רְשָׁעִ֣ים תֹּאבֵֽד׃